No gh'è verso... di Roberto Puliero
stampa

El coro de l’Arena

Parole, pensieri, a ruota libera dell'istrione Roberto Puliero

Parole chiave: Coro Arena di Verona (1), Roberto Puliero (190), No gh'è verso (170)

Il prestigioso Coro dell’Arena, pur decimato dai recenti avvenimenti, ha scelto questi versi, abbinandoli ad un vecchio motivo popolare, per preparare un nuovo brano da proporre all’inaugurazione della prossima Stagione Lirica... se ci sarà. I primi due versi di ciascuna strofa sono affidati a un solista, cui il Coro risponderà: Girondin girondondà

El g’avea i cavei sui oci...
l’ha combinà solo pastroci...
l’ha sassinà el bilancio,
el l’ha lassàdo in tochi...
Dèsso schei ghe n’è gran pochi,
l’Arena l’ha copà!
Girondin girondondèla
Girondin girondondà
Lu l’è sol perito agragrio...
ma del Sindaco gregario!...
El se ne intende solo
de campi e de boasse...
e solo ciodi e strasse
a l’Arena el g’ha lassà!
Girondin girondondèla
Girondin girondondà
...ché se simili misfati
l’avesse fato dai privati...
i l’avarìa ciamàdo
e po ciapàdo in un momento,
ma sensa perdar tempo,
a pessatà nel cu!
Girondin girondondèla
Girondin girondondà
Qua invesse a tutte l’ore
el g’ha un santo protettore...
uno che intanto pensa:
sì, l’è sensa competensa,
ma ghe n’ha za fato sensa
tuti quei che ho ciamà mi!
Girondin girondondèla
Girondin girondondà
Così el Sindaco l’ha dito:
“Ben, ma l’è del me partito...
No l’è mìa bon da gnente,
ma a mi ’sa me ne frega:
mi ghe lasso la carega
e lu ’l pol star sentà
Girondin girondondèla
Girondin girondondà
E se l’Arena more
l’è solo parché piove...
così conto ogni momento
che lì ghe vol el cuèrto
e ’l giornàl te pol star sèrto
che ’l parlarà de mi!”
Girondin girondondèla
Girondin girondondà
Se la lirica l’è morta
a lori no ghe importa...
e a noantri sol ne resta,
tristi e sensa più lavoro,
de cantàrghe tuti in coro
che l’è in luto la città
Girondin girondondèla
Girondin girondondà
E pa sfogàr dèsso in belessa
del gran luto sta tristessa...
podemo ancora insieme,
senza zontàrghe spese,
cantàrghe in veronese
quela che t’ha cunà!
Girondin girondondèla
Girondin girondondà

Tutti i diritti riservati
El coro de l’Arena
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.