No gh'è verso... di Roberto Puliero
stampa

Missione compiuta!

Parole, pensieri, a ruota libera dell'istrione Roberto Puliero

El g’aveva dito el Sindaco:
“Pensa tu alla Fondazione!”.
E, sull’attenti, el Girondino:
“L’è la mia, questa missione!”
“Vedi de vardàrghe dentro!,
e tento a no far mìa pastroci!”
“Vardo mi!... pur se talvolta
po’ me va i cavei sui oci!”.
El s’ha impegnà col so servèl
al caldo de la cavejàra...
e no arìa podù far pezo
na roja in te la molonara!
Sassinàdo l’ha el bilancio,
lincensià l’ha dei artisti,
l’ha mandà nei capannoni
a sonàr i musicisti!
Quando in tanti po’ i g’ha dito:
“Te serve un tajo ma normale!”,
no ’l s’ha mìa taja i cavei...
l’ha tajàdo el personale!
De l’artistico complesso
el ghe n’ha fato un quarantotto...
par mostrarse un poco esperto
el seitava: “Fai fagotto!”.
Sensa gnanca vergognàrse
pa ’l conflitto de interesse,
l’ha guidàdo “Arena Extra”,
’ndando avanti a far promesse!
E quando po ’l s’ha ritiràdo,
“Basta coi servèi da asilo!”
– anca el Sindaco l’ha dito –
“qua ghe vol n’alto profilo!”
Lu, sentendo del profilo,
’l s’ha vardàdo ben al specio:
“Posso metarme de fianco...
Così... no, che paro vecio...
Speta... alto... un fià più storto”
Ben giràdo el s’ha de olta...
E sensa più pudor el Sindaco
el l’ha ciamàdo n’antra olta!
L’ha così riscominsiàdo
a far danni a tuto spìan...
fin a dirghe infin al Sindaco:
“Te l’he messa in bone man!
Te m’avei dito ti, Flavio:
pensa tu alla Fondazione!
Ecco qua: ghe son riussìdo!
ho completà... l’affondassione!”.

Tutti i diritti riservati

Forse ti può interessare anche:

Missione compiuta!
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.