No gh'è verso... di Roberto Puliero
stampa

La sagra

Parole, pensieri, a ruota libera dell'istrione Roberto Puliero

Parole chiave: Roberto Puliero (190), No gh'è verso (170), Satira (145)

El sior Piero, dedicandose
a letture che funsiona,
el s’ha catàdo, a un certo punto,
innamoràdo de Verona!
L’ha raunàdo i so risparmi
e l’ha scominsià a sognàr,
avvvicinandose ’l Nadàl,
de vegnerla a visitàr.
El s’ha preparà un elenco
de belesse e monumenti,
da sercàrse co l’aiuto
de cartine e documenti.
Mìga sol l’Arena, el Domo...
anca le ciesete sconte:
San Giovanni quel in Foro,
San Giovanni quel in Monte...
e le piere manco note:
la Lasagna, el Lazzareto,
el chiostrin su del Romano,
e San Zen e San Zeneto...
e la Piassa dei Signori,
in do’ na volta, a profusion,
se propissiava la fortuna
con i giri del “Bogon”...
e la Porta là “del Palio”
(“Porta stùpa” i le ciamava),
in dove, driti par el Corso,
i cavài se desfidava
soto i oci anca de Dante,
che ’l cantava quei che magna,
quei che varda, quei che core,
quei che va “per la campagna”...
Se non che, ’pena che ’l riva,
el se trova imbutigliàdo
da un corteo longo e vociante
za dal smog invelenenàdo
che ’l le urta!, e lu ’l se cata,
strassinà da mile urtoni,
a seguir sta gran marea
che le ciàpa a pessatoni
par portarlo fra i bancheti,
in do’ l’incontra salamèle,
e strusoni, tajaerbe,
e pignàte e brassadèle...
e po’ dopo ai mercatini,
da du mesi za piantà,
in do’ l’incanto del Nadàl
el se perde stofegà...
Streto in mezo a la corente,
lu el galegia, el se intropeta...
no ’l vorìa, ma po’ el se cata
ne la “casa de Giulieta”
in do’, tiràda, un’Assessora
soridente, tuta in tinta,
lì l’esalta col boresso
una casa tutta finta!
Fatto sta che riva sera
e lu, perso fra la gente,
de le belesse de Verona
no l’ha visto proprio gnente!
E ’l se domanda, fra i profumi
dei salami e de la pissa:
“Vùto vedar che par sbaglio
son rivàdo a Vangadissa?”

Tutti i diritti riservati

Forse ti può interessare anche:

La sagra
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.

Non sei abilitato all'invio del commento.

Effettua il Login per poter inviare un commento