I veri mati

I più matti i è quei
che se crede i più scaltri,
e che crede che i mati
i sia tutti quei altri!...
Dèsso qua un consigliere
de la lista de Tosi
(che ha za dà qualche segno
de arterioscleròsi)
l’altro giorno, deciso!,
l’ha così sentensià:
“Voler mettar l’Emporio
de Solì...darietà
proprio qua a Veronetta
dove sta ’nca me sìa,
ve lo digo par sèrto:
l’è una vera follìa!”
E, come quel che se crede
Napoleon, o so sìo,
’l zonta: “Quela che dìgo
parola l’è... de Di Dio!”
E contro el progeto
’l lotta come un leon,
mandando a remengo
tutta l’operassion!,
incurante dei tanti
che no g’ha da magnàr,
che ne l’emergensa
no i pol più spetàr...
“Na follìa!” el ghe dise...
fin che’l trova normale
segàr tute le piante,
far morir l’Arsenale...
E po’ el trova normale
far pagar un bilieto
soltanto par vedar
quel tal cortileto...
E, pensando un cimitero,
lu el trova normale
che sia tuti i loculi
’mpilonà in verticale!
El crede normale
in Arena, par sèrto,
stupàr tutti i busi
e mètarghe ’l cuerto...
Tutte ste strambarìe
par lu i è normali!,
ma el ghe ciama “follìa”
quela dei solidali...
... parché i è, i veri mati,
chi se crede i più scaltri,
e che crede che i mati
i sia tuti quei altri.