No gh'è verso... di Roberto Puliero
stampa

Pèzo el tacon del buso

Parole, pensieri, a ruota libera dell'istrione Roberto Puliero

El Presidente de “Agis Emme”,
gran sostenitor de Tosi:
l’ha studiàdo un questionario
che ha lassà tuti curiosi.
A le domande de ordinansa:
“Sìo contenti del servissio?
Èle ciàre le bollette?
Podì darne un bon giudissio?”
el g’ha zontàdo na domanda
(ghe vol proprio un gran coraggio)
che par solo, in verità,
un politico sondaggio!
“Sìo contenti – i ne dimanda –
del vostro Sindaco e paron?
Disì pur del nostro Tosi:
èlo poco bravo e bon?”
Tuti quanti ha capì al volo
ch’i ha volùdo far i furbi,
e i s’ha fato propaganda
sensa gnanca gran disturbi!
E, bituàdi za da anni
a contàrne tante bale,
i ha negàdo che la fusse
propaganda elettorale!
E po’, sercando de calmàr
le proteste sacrosante,
i ha dà la motivassion
più balenga fra le tante!
I n’ha contà che l’è normale
mettar zo nel questionario
’nca domande nel profondo
e no sol sul tariffario:
par saver se le opinioni
butà là da un qualche utente
i è da esperto su le luci
e su le prese de corente,
l’è importante anca saver,
“l’è fondamental” i ha dito,
quanto ché ghe piase ’l Sindaco
e anca el novo so partito!
Insoma i prova a farne credar
che un doman, co le bolete,
podarà rivàr domande
tipo: briscola o tressete?
Fàlo el tifo pa ’l Verona,
o èlo contento se ’l va mal?
Preferìsselo la pasta
o el risoto al tastasal?
A la fin ne resta ciàro
che noantri, più che utenti,
sèrto quei de l’“Agi Essemme”
i ne crede deficienti!
E, contando “ste domande
i è normali, come d’uso!”,
l’è ben ciàro che i ha fato
un tacon... pezo del buso!

Tutti i diritti riservati

Forse ti può interessare anche:

Pèzo el tacon del buso
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.