No gh'è verso... di Roberto Puliero
stampa

Basta che i paga...

Parole, pensieri, a ruota libera dell'istrione Roberto Puliero

Parole chiave: No gh'è verso (170), Roberto Puliero (190), Satira (145)

Quan i avea pensà de far
el cimitero verticale,
i avea sercàdo dapartuto
una scusa originale:
“N’idea strania? – i ne diseva –
Beh, sol una fra le tante...
ma i n’ha offerto, de soldoni,
una cifra interessante!
No savemo ancora dove,
quando, come che i le faga,
el sarà ’nca un bel obrobrio...
ben, butèi, ma questi i paga!”
Dèsso ch’è rivàdo el tempo
par l’Arena de un bilancio,
l’ha promesso in pompa Tosi
“della lirica il rilancio”!
E par rilanciàrla mejo
cosa pènselo de far?
“Meno opere!... e più spassio
per galà o Festilvabar!”
par privati, industriali,
che i ghe fassa le sfilate,
grandi feste con el giasso,
la cuccagna e le pignàte!
La gran musica oramai
dove vùto che la vaga?
Tanto val l’Arena alora
darla solo a quei che paga!
Vùto un dì affittar na piassa,
una strada, un monumento?
Basta solo che te paghi,
e l’è tua in un sol momento!
Su la scia de sti princìpi
proclamà con tanto ciasso,
in sti giorni ’nca al Romano
n’antra pista gh’è del giasso!,
che del bel Teatro antico,
gran prodigio de na volta,
el te lassa adesso solo
un’immagine stravolta!
E la scusa è sempre quela:
che “sti soldi d’altra parte
i ne servirà in futuro
par proteggiar mejo l’arte!”
In realtà l’arte, poareta,
i le lassa ’ndàr remengo...
e nessuno più ghe crede
a sto alibi balengo!...
Ma ogni toco de Verona
za i le svende a tutte l’ore...
e se la cultura za la more,
e se la lirica è malàda,
tanto val ben sassinàrla,
e in malora che la vaga!...
gh’è za pronta ’nca la scusa:
ben, butèi, ma questi i paga!

Tutti i diritti riservati

Forse ti può interessare anche:

Basta che i paga...
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.