No gh'è verso... di Roberto Puliero
stampa

Pronto?

Parole, pensieri, a ruota libera dell'istrione Roberto Puliero

Parole chiave: No gh'è verso (169), Roberto Puliero (187), Satira (145)

“È pronto in tavola!”
dise in cusina la mama festante...
e ti te sè che gh’è su la tola
un bel piaton de minestra fumante.
“Pronto l’amaro, la grappa col cognac!”
sìga el barista sentà sul scalin...
e al stadio el tifoso el g’ha za la certessa
che ’l pol presto scaldarse el so stomeghìn.
“Pronti, in carrozza!” fa el capotreno...
e ’l te dà la certessa che proprio in orario
rivarà el treno, pur pantezando,
proprio a momenti sul primo binario.
“Pronto” insomma se cita e se dise,
quand’un l’italiano bisogna che ’l parla,
de qualcosa za fatta e ormai za rivàda
al momento preciso che se pol usarla.
Solo i politici, a sta ciara parola,
ghe dà tuto un altro significato
(chè par tanti de lori intorcolàr la gente
l’è po’ in sostansa el vero mandato).
Quando i annuncia: “È tutto già pronto!
Il filobus parte, applauditeci gente”!,
te pol star sicuro che i conta na bala
e no i ha fatto ancor proprio gnente!
Se i dise un giorno: “È tutto già pronto!
Il progetto Giulietta già parte domani”,
te gh’è la certessa che lo vedaremo,
se tutto va ben, fra diese o vint’ani!
Un altro “pronto” un fià sbrindelàdo
(e addirittura anca “fora concorso”)
l’è quel che se dopra tacà proprio arente
taconàdo lì in pressia a la parola soccorso!
L’è un posto in do’ te trovi
tanti dottori de qualità
assistenti e infermieri che i è dei campioni
de competensa e de umanità.
Ma el personale no ’l basta,
e no pol mìga, i dottori,
stupàr tutti i busi che gh’è nel bilancio
e corar dovunque a far tutto lori.
Fatto sta che a chiunque che riva lì dentro
col so missioto de speranse e de dolore,
a la fine ghe toca con certessa assoluta
de spetar come minimo na diesìna de ore!
E uno a la fine el se sente
tratàdo proprio da tonto,
vedendo che in grande, a la parola “soccorso”,
sensa pudor i g’ha zontà... “pronto”!

Tutti i diritti riservati
Pronto?
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.

Non sei abilitato all'invio del commento.

Effettua il Login per poter inviare un commento