No gh'è verso... di Roberto Puliero
stampa

Le parole le parla da sole

Parole, pensieri, a ruota libera dell'istrione Roberto Puliero

Lo diseva i nostri veci:
tante volte le parole,
anca in sigle o nei proverbi,
le na parla za da sole!
Quando Sindaco e Assessori
ne ripete sempre in coro,
e, a dispeto anca del vero,
i ne conta che ’l traforo
dèsso i le farà par sèrto,
ansi: l’è za pronto a l’uso...
se capisse che ’l “tacon
pezo proprio l’è del buso”!
Quan’, par no bagnarse massa,
i trapèla con gran pena
e i progetta coperture
fin par cuèrzare l’Arena
sensa rìspettar la storia...
se pol dirlo ormai par sèrto:
no i g’ha mìga tute quante
“le fassìne proprio al cuerto”!
Ogni volta che un progeto
za anunciàdo dopo el slitta,
pronti i scarica la colpa,
i se le tol con qualche Ditta,
no acorzendose de far,
sensa gnan’ pensàrghe un po’,
la figura de quel “beco
che disea cornuto al bo”!
Quando i scopre che l’è ora
de cambiàr Sovrintendente,
parché quel, debiti a parte,
no l’ha fato proprio gnente
e po’ co la facia tosta,
da la sera a la matina,
el butìn i volta in cuna
e i ghe mete quel de prima...
ti te scopri che l’è vèra
qua che “tempo cul e siori”,
a dispetto de la gente,
“i fa sol quel che i vol lori”!
Quando i fonda un Movimento
tuto a posto co le spese,
i ghe mette nome “RIP”:
“Rifacciamo qua Il Paese”...
parché forse al cimitero,
pur se intorno tutto tace,
RIP l’è scrito dapartuto...
ma vol dir “Riposa In Pace”!
A quei du che col traforo
sèita ’ndàr zo de brenton
promettendo sempre insieme,
i ghe dis “buso e boton”...
Sa vol dir sti soranomi
ciàro l’è seduta stante:
la “buseta” l’è el traforo,
el “boton” l’è... nel Passante!

Tutti i diritti riservati
Le parole le parla da sole
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.