No gh'è verso... di Roberto Puliero
stampa

La marca indrìo

Parole, pensieri, a ruota libera dell'istrione Roberto Puliero

Sia vissìne o sia lontane,
o sia iminenti le elessioni,
el pensiero dominante
in tute le amministrassioni
par che sia: no far sul serio
quel che serve a la città,
ma no scontentàr nessun...
che nessun protestarà!
I ne dise: “Tanto smog
tutti quanti ’l ne invelena!
perciò el traffico seremo!
Tutti a pié, che val la pena!”
Ma po’ basta che uno el brontola
impipàndose dei luti,
che za i fa mile eccessioni...
e continua a giràr tuti!
“E faremo adesso un centro
che sia solo pa’ i pedoni!”
Gh’è proteste, e più de prima
gira macchine e furgoni...
E anca dèsso co la bomba...
i proclamava: “Si dovrà,
per un raggio smisurato,
evacuare la città!”.
Ma i alberghi i se lamenta,
se preoccupa i ansiani:
dove andemo? quante ore?
e noialtri, pori cani?
... e la zona più rischiosa,
– un raggio ben de novecento! –,
du tri quatro giorni dopo
la deventa settecento!
E se intorcola confuse
i consigli par to mare,
e le multe, e le notissie,
tute quante poco ciàre:
“Sì, va ben, fasì de manco
alor de movarve da casa...
ma dovì star na matina
tutti ben seràdi in casa!,
co le imposte bele chiuse,
ma co le finestre vèrte!
No scondìve soto el leto!,
tut’alpiù soto le cuerte...”
Ma... el pericolo concreto
èlo alora na realtà,
o èlo invesse tanto istesso
preoccuparse o star sentà?
E, se vado via de casa
a star schissàdo come i ochi,
pol succedar che la casa
dopo la me casca in tochi?
Lìè sconfusa ormai la gente,
ma na roba l’ha capìo:
bituàdo è cì comanda...
a far sempre marcia indrìo!

Tutti i diritti riservati

Forse ti può interessare anche:

La marca indrìo
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.