No gh'è verso... di Roberto Puliero
stampa

La legge del più Fuortes

Parole, pensieri, a ruota libera dell'istrione Roberto Puliero

Dopo mesi de baruffe,
de timori de chiusura,
de dichiarassion balenghe
che passava la misura
(tipo: “I fassa quel che i vol
i musicisti co le lune!
Chissefrega: la Stagion
la organizzarà el Comune!”)
Dopo aver tajà de tuto
– ma no sèrto quei cavei
de cì g’ha lassà un bilancio
pien de busi e sensa schèi –,
eliminà tuto el baleto
parché “schèi no ghe n’è più”,
na nova imagine inventando:
disocupati col tutù...
la Stagion Lirica in sti giorni
tanto istesso l’è partìa,
pur se ancora el so futuro
no se sa qualo che ’l sia...
Ma el giornàl con trionfalismo
el ne conta a profusion
quanti vip, che bela gente
gh’era a l’inaugurassion!
...ché no ghe interessa sèrto
quei strucàdi sui scalini
che, rivàdi in braghe curte,
i s’avea portà i panini...
i melomani più veri,
che par Verdi i se scriolta,
e i sentensia: ahinoi, l’Arena
no l’è più come na volta!
Ma i fa grandi paginoni
su quei ch’era stà invità
bei ’leganti, impomatàdi
a la festa del Galà...
Gh’era siore in gran “suaré”,
industriali e gran potenti,
gh’era Sindaco e assessori
con codasso de serventi...
E i riporta con ossequio,
sensa mai ’zardàr commento,
quel che i sbàra sti saoni,
che parole i dise al vento!
“Queste note... union dei popoli!
e già uniscon tutto il mondo!
Affratellan le culture!
Siamo noi ’l centro del mondo!
Noi la lirica l’amiamo
fin dai dì del padre Dante!
Questa è certo per Verona
la vetrina più importante!”
Ma... no èi mìa stàdi lori
a sassinàrla pian pianin?
a ridurla nei programmi
solo a l’ultimo scalin?
che ha costretto i musicisti
a provàr sol col magon
nel rimbombo più assordante
de un insulso capannon?
che l’Arena i ghe regala
fin a Tur, sagre, tornei,
con el sol gran progetto
de ciuciàr sempre più schèi?
Mah... in vetrina ’ntanto i mete
na realtà che no l’esiste...
per salvarla, un Comissario
serca ancora nove piste...
“Ma come fasso?” dèsso el dise
e no ’l g’ha mìga tutti i torti,
ché... coi deboli l’è Fuortes,
ma... l’è debole coi forti.

Tutti i diritti riservati

Forse ti può interessare anche:

La legge del più Fuortes
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti) disabilitato.

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.