No gh'è verso... di Roberto Puliero
stampa

Tuti de corsa

Parole, pensieri, a ruota libera dell'istrione Roberto Puliero

Parole chiave: No gh'è verso (170), Roberto Puliero (190), Satira (145)

La tendensa dominante,
che za emerge in tuti i campi,
l’è la smania travolgente
de butàrse sempre avanti,
corar anca sensa meta
e imbrojàr parfìn el tempo!,
sensa un poco mai fermàrse
a meditàr col cor contento...
Gh’è da poco stàdi i Morti,
l’era ancor quasi d’istà...
tuti è corsi a far el ponte,
tutti in fila incolonà...
E, desmentegàdi i Santi,
dopo qualche temporal
eco che i giornài ne anuncia
ch’è rivàdo za Nadàl!
A vardàr el calendario,
mancaria quasi du mesi...
ma importante par che ’l sia
tutti i soldi che i sia spesi!
E i ha za piantàdo in piassa
i mercatin de Norimberga,
con pigneti, bale e stele
coi bancheti e na stamberga
dove i vende, in mezo al fumo,
seole, wurstel, salamèle...
quele viste za ai “Sapori”,
che in realtà i è sempre quele!
E i politici, contenti
de sfrutàr ben l’occasion,
za i ne conta entusiasmàdi
che ’l sarà proprio un feston!
Chissefrega più se ’l smog
po’ invelenarà la gente?
Dei “mobility” inventàdi
più no ghe ne importa gnente!
E i ne conta che l’è ’l nostro,
fra i marcà, quel più giocondo:
no ’l sarà solo el più belo,
el sarà l’unico al mondo!
... quan’, se sa, sti mercatini
i le fa ormai da par tuto,
ne le cità coi gratacieli
e nel paese più sperduto!
E za i ’nuncia un grande caos
– fermo solo qualchedun! –
Del Bambin che intanto nasse
no s’incorzarà nissun...
Quando po’ rivarà i Magi
in mezo a tanta confusion,
i se cattarà le mascare
lì smissiàde... col Magon...
Tanto po’ fin in Quaresima
sarà ancora Carneval!...
coi coriandoli e le mascare
par na festa sensa sal...
Za che ’l tempo, come un lampo,
scapa in pressia fin lassù...
ma qua femo ormai de tuto
parché ’l cora sempre più!
Se confonde le emossioni,
i lutti e le festività...
e tuti ancor semo de corsa
pa’ andar dove? No se sa.

Tutti i diritti riservati

Forse ti può interessare anche:

Tuti de corsa
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.

Non sei abilitato all'invio del commento.

Effettua il Login per poter inviare un commento