No gh'è verso... di Roberto Puliero
stampa

Tele Copio

Parole, pensieri, a ruota libera dell'istrione Roberto Puliero

Parole chiave: No gh'è verso (170), Roberto Puliero (190)

La tivù, che un dì sercàva
bei programmi da inventàr,
la g’ha dèsso un obiettivo:
solo quelo... de copiàr!
Na qualunque gran sempiàda
riva là in television,
e i canali tutti i copia
come tanti pegoron!
Semo stà par anni sensa
de lessioni de cusìna...
Dèsso mille trasmissioni
de ricette le te impìna!,
che te mescola de tutto:
mandorlato col vedèl,
caffelatte co le acciughe,
marmelàte col porsèl...
E la ricetta “originale”
suparzò l’è sempre istessa...
ti te smorzi e te vé a farte
un panin co la sopressa!
Dèsso è diventà de moda
le telecronache a du voci,
che te fa proprio vegner
fin el late zo ai zenoci
quan’ l’è ciàra che i te crede
un deficiente o zo de lì,
e i te spiega tuto quanto
quel che t’he za visto ti!
E “reality” i ghe ciama
a emossioni preordinà...
e tanti ancora no s’incorze
che l’è “falsity” in realtà!
E po’ adesso impassa i “talent”!,
in do’ se alterna a ropeton
pseudoartisti, maghi, illusi
là davanti a un gran taolon
’ndò è sentà veci o falliti
messi lì par giudicàr,
co le frasi più scontàde,
quel che lori no i sa far...
Ma anca la tivù locale
g’ha ’l so “talent” ben copià!,
che promette mirabilie
da Raldon fin a Sandrà...
e i se crede originài!...
e con orgoglio po i se impìssa
par la vamp là de Castion
o la Miss de Vangadissa...
E par pemio i ghe assiura
a la radio un postesìn!...
No la sa gnanca ’l tagliàno...
però varda che sestìn!
Tuti insoma i copia tuti,
i fa robe sol copià...
l’obiettivo el par sicuro:
farne tutti... omologà!

Tele Copio
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.