No gh'è verso... di Roberto Puliero
stampa

Il libro della ciunga

Parole, pensieri, a ruota libera dell'istrione Roberto Puliero

Parole chiave: No gh'è verso (170), Roberto Puliero (190)

I n’ha contàdo tante bale
sul traforo e l’Arsenàl,
su musei, funicolare,
filobùs e Pradavàl...
ma, a proposito de bale,
el primato sèrto el spèta,
quanto a ciàcole nel vento,
a la casa de Giulieta!
Ghe n’avem sentì de tute,
con gran foto e titoloni,
con promesse, idee balenghe,
e proclami e titoloni
fati aposta pa’ intortàr
sempre più done e butèi,
e poderli buzaràr
par ciuciàr sempre più schèi,
lassando ’ntanto un gran luamàr
là de muri scrimaciàdi,
dei più insulsi bilietini,
de lucheti ingrovejàdi,
de ambulanti e ciarlatani,
de gran “selfi” con el bacio,
in mezo a ciunghe spussolenti
tacà via con el spuàcio...
Pa’ educàr i ’namoràti
a no scrivar più sui muri,
i s’ha inventàdo adiritura
un progeto dei più oscuri:
i ha inciodàdo dei pannelli,
con perfidia sopraffina,
par poder po’ dìrghe a tutti:
“Eco, dai, scrivè qua insìma!”
Pa’ esaltàre la poesia
raffinata de Giulieta,
tutti quanti ognor i invita
a palpàrghe anca la teta...
E disendo: no, i lucheti
i è proibì assolutamente,
i ha lassà che i negossieti
i le venda proprio a rente!
E quando un dì è rivàdo Moccia
i l’ha accolto con onore!,
par poder ancor promettar:
farem qua un Museo d’Amore!
E ogni tanto i tira fora
’nca ’l progetto poco serio
de impilàr tutti i turisti
parché i passa da Valerio!
E, fin che tanti gran sproloqui
fin al vento i lassa ’ndàr,
el cortìl tanto pompàdo
’l resta sempre un gran luamàr!
Ma el giornàl ancò ne annuncia:
“C’è degrado! C’è sporcissia!
Ci son ciunghe e vandalismi!”
... ma dov’èla la notissia?!
Qua, se un libro de poesia
par sto posto nassarà,
sèrto... “Il libro della ciunga”
el so titolo sarà!...
... fin a quando anca i turisti
un dì se inacorzarà
che, a esaltàr sta casa finta,
i emo sempre buzarà!

Forse ti può interessare anche:

Il libro della ciunga
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.