No gh'è verso... di Roberto Puliero
stampa

Ciacole e pastròci

Parole, pensieri, a ruota libera dell'istrione Roberto Puliero

Parole chiave: Non gh'è verso (5), Roberto Puliero (190)

Pa’ ani e ani sempre insieme
i avea fatto bataglioni
contro i Rom, i marochini,
contro i sengali e i teroni...
I beveva a gran sgorloni
l’acqua lurida del Po,
i cantava “Va pensiero”
con la man tacàda al cor...
M’al so Assessore preferito,
quel che gh’era più a contatto
(tanto ch’i era deventàdi
in realtà “coppia di fatto”),
un bel giorno el g’ha cavàdo
la carega in t’una sera...
l’ex amìgo a l’improvviso
’l s’ha catà col cul par tera!
E de lu disea Salvini:
“Oh che doge sopraffino!
Lui Verona ha rivoltato
e ribaltà come un calzino!”
(dopo tante strapromesse,
in effetti n’è restàdo
un poco el gusto spussolento
de un calseto rivoltàdo!)
Ma è rivàdo adesso Renzi!...
e, a parte l’uffi...cialità,
par che a programàr pastroci
i s’abia insieme anca catà!
Mi no so se po ’l sìa vèra,
però dise i più informàdi
che così dèsso se usa...
i assicura: i s’ha acordà!
Del rensiano candidato
 Tosi el se dirà contento,
Rensi in cambio el pol donarghe
na poltrona in Parlamento!...
E zo calcoli e sondaggi,
e confronti ad armi pari...
così insieme i poarà farghe
grand dispeti ai aversari!
E, par darghe ancor più susta
a sta gran cospirassion,
un accordo i ha trovàdo
con la scusa del balon:
“Viva l’Hellas con la Viola!
Du fradèi, na squadra sola!
L’è Salvini come el Ceo!:
come un musso che no vola!”
Ma... la destra? La sinistra?
I princìpi? Chissegrega!
Sol na roba l’è importante:
garantirse... la carega.

Tutti i diritti riservati

Forse ti può interessare anche:

Ciacole e pastròci
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.