Condiscepoli di Agostino
stampa

È finì el silensio-stampa

Parole, pensieri, a ruota libera dell'istrione Roberto Puliero

Parole chiave: No gh'è verso (170), Roberto Puliero (190), Satira (145)

Quando ancora qua par mesi
la speransa l’era tanta,
lu da l’alto l’avea imposto
un total silensio-stampa,
incurandose spavaldo
dei tremori de la gente,
preoccupàda che la squadra
no valesse proprio gnente...
Dèsso invesse che, purtropo,
la caduta l’è imminente,
el s’ha deciso de parlàr
– a so modo – el Presidente!
Ma no l’è mìa ’ndà a spiegàr
i so affari, i so pastroci,
in diretta co la gente
e vardandola nei oci:
el s’ha fatto registràr,
con furbesche corressioni,
solo in un tele-messaggio
... come el fusse Berlusconi!
Po’, magnanimo, a la stampa,
pa’ illustràr el so pensiero
el g’ha vèrto la so reggia
par mostrarse tutto intiero.
Alora a frotte i giornalisti
i s’ha messo tuti in viaggio
e i è ’ndàdi fin a Carpi
come in gran pellegrinaggio!
E lì a tutti el g’ha contà
che la squadra l’è ben viva!,
che lu el g’ha sempre credùdo!
Sol pa’ i conti no ’l dormiva!
... che g’avemo là in panchina
proprio el giusto allenatore!,
un stratega eccessionale,
e po’ un gran lavoratore!
“Se la squadra fa fadìga
a zugàr qua in serie A,
l’è sol colpa dei tifosi,
che g’ha negatività!”
E l’ha concluso co impudensa
e con orgoglio (pensa ti!)
che g’avemo i conti a posto
pur andando in serie Bi!
... che, parché po un fallimento
no ’l ne riva come un lampo,
l’è el bilancio più importante
anca de quel che dise el campo!
(come a dir che l’è na gamba
de quel’altra più importante!,
e passiensa, se una è bona,
se quel’altra è sopegante!)
A la fin, tuti compunti,
i le scolta co ossequiensa,
e nessuno che ghe diga,
con rispetto e competensa,
che tegner i conti a posto
somenando solo luti
e sassinando ogni progeto,
ben, alor... i è boni tuti!
No gh’è più el silensio stampa,
ma, sentendo ste premesse,
vien da dir qua po’, a la fine:
l’era mejo che ’l tasesse!

Tutti i diritti riservati
È finì el silensio-stampa
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.

Non sei abilitato all'invio del commento.

Effettua il Login per poter inviare un commento